mércores, 4 de outubro de 2017

"O TIMBRE DO NOSO COLE"
MÚSICA PARA ENTRAR E SAÍR
CEIP PLURILINGüE DE CHANCELAS

Coa intención de reducir a contaminación acústica do colexio e entrar cunha actitude máis positiva ás aulas, cambiamos o son do timbre, as veces un tanto estridente, que anunciaba as entradas, saídas e principio e fin do recreo, por unhas melodías que varían cada semana. Para que non se convirtan nun ruido máis, sempre que podemos, traballámolas tamén dende a clase de música, intentando conseguir unha audición máis activa e consciente dos temas seleccionados.

Cada luns, na porta da entrada, cambiamos o panel informativo onde aparecen os catro temas e autores que sonarán durante esa semana cunha breve reseña. As veces, son os propios alumnos os que teñen que investigar ou completar dita información.

Os estilos de música son variados, música de bandas sonoras de películas, clásica, pop, música relacionada co cine, a literatura, musicais... entre outras moitas opcións. Do mesmo xeito intentamos relacionar esas músicas coa época do ano, estación, anécdotas ou noticias de actualidade.

Todos os membros da comunidade educativa estades invitados a propoñer e recomedar melodías.
Ademáis de entrar con alegría ás aulas, o que se pretende é
achegar ao alumnado audicións e tipos de música que non teñen tanto ao seu alcance como a música actual ou máis comercial á que están acostumados.

Ningún comentario:

Publicar un comentario